Ұлттық банк басшысы ұлттық валюта бағамына мінсіз түзету жасалды деп сендірді
Алматы. 12 ақпан. Kazakhstan today. Ұлттық банктің төрағасы Қайрат Келімбетов ОКҚ өткен брифингте ұлттық валюта бағамына мінсіз түзету жасалды деп сендірді.
"Мен ұлттық валюта бағамын түзету мінсіз өткенін растаймын. Теңгенің курсын түзету қаржы-несие саясаты комитеті мен техникалық комитеті атты коллегиялық институттардың шешімімен жүргізілді. Комитетке Ұлттық банктің 7 жетекші сарапшысы мен қаржы-несие саясатының мамандары кірді. Оның зардабын біріншіден қаржыларын теңгеде сақтап келген адамдар тартады, себебі, теңгенің сатып алу мүкіндігі өзгертілген.
Ал, ұлттық валюта бағамын өзгерту кезінде болатын мұндай жағдайлар кез-келген экономика үшін макроэкономикалық шок", - деді Қ.Келімбетов.
Сонымен қатар, бас банктің басшысының айтуынша, Премьер-Министрдің бағаның негізсіз көтерілуін шешу тапсырмасы үшін мемлекеттің реттейтін күші жетерлік және баға көтерумен айналысып жүрген пиғылы арам сатушылар өз орнына қойылады.
"Арада екі үш күн өтсе бәрі өз орнына келеді, ненің қанша және не үшін сонша тұратыны белгілі болады. Бір жыл бойы біз бағаның өсуін қадағалайтын боламыз", - деп Ұлттық банк басшысы өз ойын толықтырды.
Естеріңізге сала кетейік, 2014 жылдың 11 ақпанында Ұлттық банк теңгенің айырбастау бағамын ұстап тұрудан, валюталық интеграцияның көлемін төмендетуден және теңгені айырбастау процесіне араласудан бас тартты.
Ұлттық банк АҚШ долларын теңгеге шаққанда 185 теңге құрайды деп отыр.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.