Ұлттық валюта банкноттарын қабылдаудан бас тартқан ұйымдар жауапкершілікке тартылады
Астана. 6 қаӊтар. Kazakhstan Today - Ұлттық валюта банкноттары мен монеталарын қабылдаудан бас тартқан ұйымдар жауапкершілікке тартылады. Бұл туралы бүгін ҚР Ұлттық Банкініӊ баспасөз қызметінен хабарлады, деп хабарлайды Kazakhstan Today агенттігініӊ тілшісі.
Кәсіпкерлік субъектілері немесе коммерциялық емес ұйымдар ҚР ұлттық валютасыныӊ банкноттары мен монеталарын қабылдаудан бас тартқан жағдайда ҚР Ұлттық Банкініӊ жақын жердегі филиалына арыздануға болады, деп хабарлайды inform.kz тілшісі.
Ұлттық Банк өз кезегінде жағдайдыӊ мән-жайын анықтап, шара қолданады.
ҚР Икімшілік құқық бұзушылық кодексініӊ 206-шы бабына сәйкес, 2016 жылғы белгіленген Айлық Есептік Көрсеткіш бойынша ұлттық валютаныӊ банкноттары мен монеталарын қабылдамаған кәсіпкерлік субъектілері мен коммерциялық емес ұйымдарға - 10 605 теӊге, орта кәсіпкерлік субъектілеріне - 21 210 теӊге, ірі кәсіпкерлік субъектілеріне - 53 025 теӊге көлемінде айыппұл салынады.
Еске сала кетелік, 2015 жылдыӊ 28-ші қарашасында ҚР Ұлттық банкініӊ басқармасы 2006 жылғы үлгідегі номиналы 2000, 5000, 10000 теӊге банкноттардыӊ біртіндеп айналыстан шығару мерзімдерін 2016 жылдыӊ 3-ші қазанына дейін ұзарту туралы шешім қабылдаған болатын.
Көрсетілген мерзімге дейін бұл банкноттар заӊды төлем құралы болып табылады және төлемдер мен банктік операциялар үшін Қазақстан Республикасыныӊ барлық аумақтарында қандай да бір шектеусіз қолданылады.
Содан соӊ 12 ай ішінде - 2016 жылғы 4 қазаннан 2017 жылғы 3 қазанға (қоса алғанда) дейін - көрсетілген ақша белгілері кез келген екінші деӊгейдегі банкте айырбасталуға тиіс.
Бұл мерзімнен кейін барлық қалған 2006 жылғы үлгідегі номиналы 2000, 5000 және 10000 теӊге банкноттар 2020 жылғы 3 қазанға шейін барлық ҚР Ұлттық Банк филиалдарында айырбасталуға қабылданатын болады. 2020 жылғы 4 қазаннан бастап, банкноттар заӊды емес болып табылады.
Жоғарыда көрсетілген банкноттардыӊ айырбасталуы тегін, комиссия алусыз не айырбастау үшін ақысыз жүзеге асырылатын болады.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.