Жеке тұлғалар мен жеке кәсіпкерлерде "салық әмиянын" толтыру арқылы балама салық төлеу мүмкіндігі бар
"eSalyq" мобильді қосымшасында "Салық әмияны" қызметі іске қосылған, ол көптеген мәліметтерді толтырудың қиындығына байланысты салықтарды дұрыс төлемеу проблемаларын жояды. Қосымшаны App Store және Play Market-тен тегін жүктеуге болады.
Алматы. 28 мамыр. Kazakhstan Today - 2020 жылдың 28 мамырында, ҚР Президенті жанындағы Орталық коммуникациялар қызметінің алаңында бюджетке салықтың төленуін жеңілдетуге арналған онлан баспасөз конференциясы болып өтті.
Спикерлер ретінде ҚР ҚМ Мемлекеттік кірістер комитеті төрағасының орынбасары Мамаев Талғат Шәриұлы, ҚР ҚМ МКК Мемлекеттік қызметтер департаменті дербес шоттарды әкімшілендіру және төлемдерді есепке алу басқармасының басшысы Күшібаева Динара Шәменқызы сөз тізгінін алды.
Мамаев Талғаттың айтуынша, 2020 жылғы қаңтар айында Қаржы министрлігінің Мемлекеттік кірістер комитетінің "eSalyq" мобильді қосымшасында "Салық әмияны" қызметі іске қосылған, ол көптеген мәліметтерді толтырудың қиындығына байланысты салықтарды дұрыс төлемеу проблемаларын жояды. Қосымшаны App Store және Play Market-тен тегін жүктеуге болады.
Салық әмияны қате төлемдер мен негізсіз айыппұлдарды жояды, қайтарымдар мен инкассалық өкімдердің санын азайтады, салық төлеушінің шығындарын уақытында азайтады және банктер үшін комиссиялық шығындарды алып тастайды.
Жеке тұлғалар мен жеке кәсіпкерлерде "салық әмиянын" толтыру арқылы балама салық төлеу мүмкіндігі бар. Әмияндағы ақша автоматты түрде салық міндеттемелері пайда болған салықтарға есептеледі. Сіз бюджетке ағымдағы және алдағы міндеттемелерді салықтар және мемлекеттік кірістер органдары бөлінісінде қарай аласыз. Мүлік салығы, жер салығы және көлік салығы бойынша салық салу объектілері туралы мәліметтерді көруге болады.
Бұдан басқа, өзін-өзі жұмыспен қамтыған тұлғалар үшін бірыңғай жиынтық төлемді (БЖТ) төлеудің қарапайым және ыңғайлы сервисі іске асырылды.
Сондай-ақ, 2020 жылдың аяғында уәкілетті мемлекеттік органдармен бірлесіп, салық салу объектілері туралы мәліметтерді түзету қызметін енгізу жоспарлануда, оның аясында жеке тұлғаларға салық салу объектілері туралы ақпаратты жаңарту үшін электронды өтініш жіберуге мүмкіндік беріледі.
Комитеттің екінші деңгейлі банктермен бірігуінің нәтижесінде салық төлеудің ыңғайлы және қарапайым қызметтері енгізілді.
Осылайша, 2018 жылдың шілдесінен бастап салық төлеушілерге салық және әлеуметтік төлемдер бойынша берешектерді МКК-нің "Салық төлеушілер кабинеті" веб-қосымшасында, МКК порталында, оның eSalyq мобильді нұсқасында және екінші деңгейдегі банктердің мобильді қосымшаларында (Homebank, Kaspi.kz және басқалары), "электрондық үкіметтің" порталында (egov.kz) қарау және төлеу мүмкіндігі берілді.
2019 жылдың қыркүйегінен бастап жоғарыда аталған барлық ресурстар алдағы салықтарды көруге және дайын реквизиттермен төлеуге мүмкіндік беріледі. Жеке тұлғалар үшін - мүлік салығы, жер салығы және көлік салығы бойынша, ал дара кәсіпкерлер үшін - төлем көзінен салық салынбайтын кірістерге салынатын жеке табыс салығы бойынша.
2019 жылға мерзімі 2020 жылдың 1 қазанына дейін жеке тұлғаларға мүлік салығы мен жер салығы бойынша алдағы төлемдер, көрсетілген қызметтер бойынша 2020 жылдың маусым айында орналастырылады деп күтілуде.
Айта кету керек, салықтарды төлеу туралы ақпарат екінші деңгейдегі банктерден онлайн режимінде 2 минут ішінде келіп түседі. Бұл сізге мемлекеттік қызметтерді жылдам көрсетуге, жеке бет есептерден тиісті ақпаратты ұсынуға және шоттардан бұғаттарды уақытылы алып тастауға мүмкіндік береді.
Күшібаева Динара Салық әмиянының функциялары және мүмкіндіктері туралы журналистердің қойған сұрақтарына жауап берді.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Ұлттық Банк мамыр айында Ұлттық қордан 850 млн долларға дейін сатуды жоспарлап отыр
Сәуір айының қорытындысы бойынша, теңге бағамы 1,1%-ға, яғни 1 АҚШ доллары үшін 442,05 теңгеге дейін нығайды. Қазақстан қор биржасында сауда-саттықтың орташа күндік көлемі бір айда 225 млн АҚШ долларынан 234 млн АҚШ долларына дейін ұлғайды. Сауда-саттықтың жалпы көлемі 5,1 млрд АҚШ долларын құрады, деп хабарлайды ҚР ҰБ баспасөз қызметінен.
Ұлттық қордан республикалық бюджетке трансферттерді қамтамасыз ету үшін сәуірде 1 056 млн АҚШ долларына валюта сатылды. Ұлттық қордан сату үлесі жалпы сауда-саттық көлемінің 21%-ын және күніне 48 млн АҚШ долларынан аспайтын мөлшерді құрады. Ұлттық Банк Ұлттық қордың қаражатымен операциялар жүргізу кезінде нарықтағы бейтарап қағидатын сақтайды. Бұл шетел валютасын біркелкі қалыпта сатуды білдіреді. Мұндай тәжірибе Ұлттық қордағы операциялардың валюта нарығына әсерін барынша азайтуға мүмкіндік береді.
Ұлттық Банк сәуірде БЖЗҚ зейнетақы активтерінің валюталық үлесін 30% деңгейінде ұстап тұру мақсатында биржадағы сауда-саттықта шетел валютасын сатып алуды жалғастырды. Оның жалпы сомасы 500 млн АҚШ долларын немесе нарықтың жалпы көлемінің шамамен 10%-ын құрады.
Ұлттық Банк сәуірде валюталық интервенциялар жүргізген жоқ.
Республикалық бюджетке трансферттер бөлуге Үкіметтің алдын ала болжамды өтінімдері бойынша 2024 жылғы мамырда Ұлттық Банк Ұлттық қордан 750 млн АҚШ долларынан 850 млн АҚШ долларына дейінгі мөлшерде валюта сатылуын күтеді.
2024 жылғы мамырда БЖЗҚ зейнетақы активтерінің валюталық үлесін ұстап тұру үшін 450 млн АҚШ долларынан 500 млн АҚШ долларына дейінгі мөлшерде валюта сатып алу көзделген.
Ұлттық Банк ашықтық қағидаты аясында валюта нарығында жүргізілетін барлық операция туралы ақпаратты толық ашып көрсетеді. Қысқамерзімді перспективада теңгенің динамикасы нарыққа қатысушылардың күтулеріне, тоқсандық салық төлемдеріне, әлемдік нарықтардағы ахуалға және геосаяси жағдайдың өзгеруіне байланысты болады. Ұлттық Банк теңгерімсіздіктің жинақталуын болдырмайтын және алтын-валюта резервтерінің сақталуын қамтамасыз ететін икемді бағам белгілеу режимін ұстана береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Сингапур Қазақстан экономикасына 1,4 млрд астам инвестиция салды
Сурет: akorda
Президент Қасым-Жомарт Тоқаев Ақордада Сингапур Парламентінің спикері Сеа Киань Пен бастаған делегацияны қабылдады, деп хабарлайды Ақорданың баспасөз қызметінен.
Қазақстан мен Сингапур арасындағы тығыз қарым-қатынасты одан әрі кеңейтуді көздейтін кездесу достық рәуіште әрі нәтижелі өтті.
Біз - уақыт сынынан өткен сенімді серіктеспіз. Өзара байланыстарды нығайту үшін ауқымды жұмыс жүргізілді. Дегенмен алдымызға екі елдің ынтымақтастығын одан әрі дамытуға бағытталған биік мақсат қойып отырмыз", - деді Президент.
Қасым-Жомарт Тоқаевтың пікірінше, халықаралық ынтымақтастықты арттыруда және мемлекеттер арасындағы диалогқа ықпал етуде парламенттік дипломатия аса маңызды рөл атқарады.
Президент бүгінде Қазақстанда 140-тан астам сингапурлық компания мен бірлескен кәсіпорын жұмыс істейтінін, олардың ел экономикасына құйған инвестициясының жалпы көлемі 1,4 миллиард доллардан асқанын атап өтті.
Өз кезегінде Сеа Киань Пен қонақжайлық танытқан Қасым-Жомарт Тоқаевқа ризашылығын білдіріп, екі елдің ынтымақтастығын тереңдету үшін мол әлеует бар екенін айтты.
Кездесуде экономикалық және инвестициялық ықпалдастық перспективаларына баса назар аударылды. Сонымен қатар өңірлік және халықаралық күн тәртібіндегі мәселелер талқыланды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.