Ақмола облысында жүк пойызы жылқы табынын қағып кетті
Жануарлардың өлімі үшін ер адамға 17 250 теңге айыппұл салынды
Көкшетау. 27 ақпан. KAZAKHSTAN TODAY - Ақмола облысының Көкшетау - Жамантұз өткелінде жүк пойызы 30-ға жуық жылқыны қағып кетті.
25 ақпан күні Ақмола облысының Көкшетау-Жамантұз станциясының өткелінде жүк пойызының машинисі темір жолда жылқылардың болуына байланысты шұғыл тежеуді қолданды. Алайда соқтығысудың алдын алу мүмкін болмады, нәтижесінде 32 жылқыны қағып кетті. Пойыздың тұрағы 50 минутты құрады", - деп хабарлайды Polisia.kz.
Игілік ауылының 28 жастағы тұрғыны анықталды.
Жылқылардың қалған иелері ауыл тұрғындары үй жануарларын кезекпен жайып жүргендерін түсіндірді.
ҚР ӘҚБтК-нің 559-бабының 1-бөлігі бойынша әкімшілік хаттама толтырылып, 5 АЕК мөлшерінде айыппұл салынды.
Биыл Қазақстанның Әділет министрлігі жылдамдықты асырғаны және жол қозғалысы ережелерін өрескел бұзғаны үшін айыппұлдарды қатаңдатуға ниетті. Олардың қатарына жануарларды қолайлы емес жерлерде, атап айтқанда, жолдар мен теміржол маңында жаю кіреді. Бұзушылық үшін айыппұл 40 АЕК (138 000 теңге) құрайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
БҚО-да жол-көлік оқиғасынан 6 адам қаза тапты
Сурет: Polisia.kz
БҚО-да жол-көлік оқиғасынан 6 адам қаза тапты, деп хабарлайды Polisia.kz.
17 қыркүйек күні сағат 19:30 шамасында БҚО, Теректі ауданы, Бекей кентінің жанында Самара - Шымкент республикалық маңызы бар автожолының 290-шақырымында ауыр жүк көлігі DAF фурасымен Lada Priora жеңіл көлігі соқтығысып, жол-көлік оқиғасы болды.
ЖКО салдарынан 6 адам қаза тапты. Олар: 34 және 33 жастағы ересек адамдар, 11, 12, 5, 1 жастағы кәмелетке толмаған балалар. Жүк көлігінің 37 жастағы жүргізушісі зардап шекті. Оқиғаның толық мән-жайын анықтау мақсатында оқиға орнында полиция қызметкерлері жұмыс жасап жатыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қостанай облысында көбік кешінде тоқ соққан қыз көз жұмды
Қостанай облысында көбік кешінде тоқ соққан қыз көз жұмды, деп хабарлайды Sputnik Қазақстан.
Еске сала кетейік, 25 тамыз күні Ұзынкөл кентінде Жастар күніне арналған іс-шарада 9 жасар қызды тоқ соққан болатын. Анықталғандай ол бүгін,12 қыркүйек күні таңертең көз жұмды.
9 жасар қыз ауруханаға ес-түссіз күйде ауыр жағдайда түсіп еді. Қыздың қайтыс болғанын Қостанай облыстық балалар ауруханасының бас дәрігері Нұрлан Ержанов растады. Кішкентай қыз оқыс оқиғадан кейін осы ауруханаға жатқызылған болатын.
Кейіннен денсаулық сақтау министрлігі ұлттық шұғыл медицина орталығының дәрігерлерін тоқ соққан 9 жастағы қызға көмек беру үшін Қостанайға жіберді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматы облысында оқушының өзіне-өзі қол жұмсамақ болды
Сурет: Depositphotos
Алматы облысында он жасар оқушымен болған оқиғаға байланысты арнайы жұмыс тобы құрылды, деп хабарлайды ҚР Білім министрлігі Балалардың құқықтарын қорғау комитетінің баспасөз қызметінен.
Бұған дейін БАҚ-да Алматы облысында 4-сынып оқушысы құрдастарының буллинг фактілерінен кейін қол жұмсамақшы болғаны туралы ақпарат тараған болатын.
Осы жағдайға байланысты арнайы жұмыс тобы құрылды. Болған оқиғаның барлық мән-жайын анықтау мақсатында Оқу-ағарту министрлігінің, Алматы облысы білім басқармасының басшылығының өкілдері бала оқитын мектепке жедел тәртіппен барды.
Аталған оқиға ҚР Оқу-ағарту министрлігі Балалардың құқықтарын қорғау комитетінің бақылауында екенін атап өткен жөн.
Айта кетейік, күні кеше балаларды зорлық-зомбылықтан, суицидтің алдын алудан қорғау, олардың құқықтары мен әл-ауқатын қамтамасыз ету жөніндегі кешенді жоспар қабылданды, ол балалар зорлық-зомбылығы мен суицидтің тиімді алдын алуға бағытталған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.