Система Orphus

"Павлодар Базис" ЖШС директоры жұмыс бөлмесінде болған жарылыстың салдарынан жарықшақтардан жарақаттанып ауруханаға жатқызылды - ТЖД

15.06.2009, 14:16 812

Павлодар. 15 маусым. "Қазақстан Бүгін" - Павлодар қаласында "Павлодар Базис" ЖШС-нің 42 жастағы директоры жұмыс бөлмесінде болған жарылыстың салдарынан көп жерінен жарықшақтардан жарақаттанып ауруханаға жатқызылды, деп хабарлайды "Қазақстан Бүгін" агенттігі Павлодар облыстық Төтенше жағдайлар департаментінің баспасөз қызметіне сілтеме жасап.

Баспасөз қызметінің ақпаратына сәйкес, "14 маусымда сағат 19.15-те "Павлодар Базис" ЖШС-нің күзетшісінен Транспортная көшесіндегі 4-ші үйдің екінші қабатында орналасқан осы ЖШС директорының жұмыс бөлмесінде жарылыс болғаны туралы телефон хабары келіп түскен. Павлодар ІІБ қызметкерлері оқиға орнына келіп, "Жолқұдық Павлодар" кәсіпорнының 60 жастағы директорын ұстады, ол "Павлодар Базис" ЖШС директорының жұмыс бөлмесіне жарылғыш зат алып келгенін мойындады.

ТЖД ақпаратына сәйкес, жарылыс салдарынан "Павлодар Базис" ЖШС директоры мен "Жолқұдық Павлодар" кәсіпорнының директоры дене жарақатын алды. Оларға "қол-аяғы мен ішінен көп жерінен жарықшақтардан жарақаттанған" деген диагноз қойылып, облыстық ауруханаға жатқызылды.

"Ғимарат пен оған жақын аумақ тексеріліп, жарылғыш заттың бөлшектері алынды. Сараптама тағайындалды. ҚР Қылмыстық кодексінің екі бабы бойынша қылмыстық іс қозғалды", - деп хабарлайды Павлодар облыстық ТЖД баспасөз қызметі.

Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны