13-15 наурызда Хельсинкиде Қазақстан-Финляндия бизнес форумы өтеді
"13-15 наурыз күндері Хельсинки қаласында, Финляндияда, кезекті Қазақстан-финдік бизнес форум өтеді. Оның жұмысына ҚР Қоршаған ортаны қорғау министрі Нұрлан Қапаров, құзырлы министрліктер мен ведомстволардың өкілдері және еліміздің іскер топтарының өкілдері қатысады деп жоспарланған", - деді А.Ибибуллаев.
Астана. 11-наурыз. Kazakhstan Today - 13-15 наурызда Хельсинкиде Қазақстан-Финляндия бизнес форумы өтеді, деп хабарлайды Kazakhstan Today агенттігінің тілшісі.
Бұл туралы бүгін баспасөз мәслихаты барысында ҚР Президенті жанындағы Орталық коммуникациялар қызметінің ресми өкілі Алтай Ибибуллаев мәлім етті.
"13-15 наурыз күндері Хельсинки қаласында, Финляндияда, кезекті Қазақстан-финдік бизнес форум өтеді. Оның жұмысына ҚР Қоршаған ортаны қорғау министрі Нұрлан Қапаров, құзырлы министрліктер мен ведомстволардың өкілдері және еліміздің іскер топтарының өкілдері қатысады деп жоспарланған", - деді А.Ибибуллаев.
Сондай-ақ, ресми өкіл 2009 жылдың наурыз айында Қазақстан Президенті Нұрсұлтан Назарбаевтың Финляндияға мемлекеттік сапары орын алғанын және өткен жылы Қазақстан Хельсинки қаласында өзінің елшілігін ашқанын еске сала кетті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.