2008 жылы Қазақстанда ШЫҰ мүше елдердің парламент басшыларының екінші кездесуі өтеді
2008 жылы Қазақстанда ШЫҰ мүше елдердің парламент басшыларының екінші кездесуі өтеді
Астана. 27-желтоқсан. "Қазақстан Бүгін" - 2008 жылы Қазақстанда Шанхай ынтымақтастық ұйымына мүше елдердің парламент басшыларының екінші кездесуі өтеді. Бұл туралы бүгін өткен брифингте сенаттың ресми өкілі Мұрат Нұртілеуов мәлім етті, деп хабарлайды "Қазақстан Бүгін" агенттігінің тілшісі.
"2008 жыл халықаралық іс-шаралар мен өзара сапарларға толы болмақ. Сенат басшылар мен депутаттарының қатысуымен өтетін жоспарланған ірі халықаралық іс-шаралардың ішінде Астанада 28-маусым мен 3-шілде аралығында ЕҚЫҰ Парламент ассамблеясының 17-ші жыл сайынғы сессиясы, Алматыда 28 - 29 қазанда Дүниежүзілік және дәстүрлі дін басылары құрылтайының 7-ші отырысы, Шанхай ынтымақтастық ұйымына мүше мемлекеттердің парламент басшыларының екінші кездесуі өтеді",- деді Мұрат Нұртілеуов.
Сондай-ақ оның айтуынша, 2008 жылы сенат төрағасы Қасым-Жомарт Тоқаевтің Қытайға, Ресей мен Францияға, Сауд Арабиясына, Катарға, Біріккен Араб Имірлігіне, Польша мен Израильге ресми сапармен барды деп жоспарлануда.
"Өз кезегінде, Қазақстанға Түркияның Ұлы Ұлттық Кеңесінің төрағасы Коксал Топтан, Үндінің Штаттар кеңесінің төрағасы Мохаммед Ансари, Өзбекстан мәжілісінің Олиий кеңесінің төрағасы Ильгизар Собиров және басқалар ресми сапармен келеді деп күтілуде",- деп хабарлады Мұрат Нұртілеуов.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.