23 сәуірден бастап Астана-Бішкек қатынасындағы жаңа авиарейс іске қосылады
"23 күні Астана-Бішкек алғашқы авиарейсі өтеді, оны аптасына 4 рет жиілікпен "Эйр Астана" орындайды. Бұл да жетістік, ол қарым-қатынасымыздың дамуына ықпал етеді", - деді Ерлан Ибділдаев.
Астана. 12-сәуір. Kazakhstan Today - Ағымдағы жылдың 23 сәуірінен бастап Астана-Бішкек қатынасындағы ұшу жиілігі аптасына 4 рет болатын жаңа
авиарейс пайда болады, деп хабарлайды Kazakhstan Today агенттігінің тілшісі.
Бұл туралы Қырғыз Республикасының сыртқы істер министрі Ерлан Ибділдаев Қазақстанның сыртқы саясат ведомствосының басшысы Ерлан Ыдрысовпен кездесу барысында мәлім етті.
"23 күні Астана-Бішкек алғашқы авиарейсі өтеді, оны аптасына 4 рет жиілікпен "Эйр Астана" орындайды. Бұл да жетістік, ол қарым-қатынасымыздың дамуына ықпал етеді", - деді Ерлан Ибділдаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.