АҚШ Қазақстанға ЕҚЫҰ аясында өзіне жүктеп алған міндеттемелерін атқаруға қолдау көрсетуге дайын - Қазақстандағы АҚШ елшісі
АҚШ Қазақстанға ЕҚЫҰ аясында өзіне жүктеп алған міндеттемелерін атқаруға қолдау көрсетуге дайын - Қазақстандағы АҚШ елшісі
Астана. 19 желтоқсан. "Қазақстан Бүгін" - АҚШ Қазақстанға ЕҚЫҰ аясында өзіне жүктеп алған міндеттемелерін атқаруға қолдау көрсетуге дайын. Бұл туралы бүгін өткен баспасөз мәслихатында Қазақстандағы АҚШ елшісі Джон Ордвэй мәлімдеді.
"Қазақстанның ұйым шеңберіндегі басқа да әріптестері секілді біз алдағы жылдарда Қазақстанның өз берген уәделеріне сәйкес жүктеп алған міндеттемелерін орындап шығуын қамтамасыз етуге байланысты сіздің елмен жұмыс істеуге дайынбыз", - деді Д. Ордвэй.
Оның атап көрсетуінше, "АҚШ Мадридте өткен ЕҚЫҰ-ның министрлер конференциясында Қазақстанның 2010 жылы ЕҚЫҰ-ның төрағасы болып сайлану дерегіне көңілі толады".
"Біздің пайымдауымызша, бұл ұйым үшінде де, Қазақстан үшін де аса маңызды перспектива болып табылады. Бұл Қазақстанның экономикалық реформалар, қауіпсіздікті қамтамасыз ету, толеранттылықты қамтамасыз ету, діни үйлесімділікті қамтамасыз ету секілді салаларда қол жеткізген жетістіктерін мойындау болып табылады", - деді елші.
Оның айтуынша, "АҚШ бұған қоса Қазақстан сыртқы істер министрі Тәжиннің Мадридте жария еткен оңды әрі серпілісті міндеттемелеріне, сондай-ақ, Қазақстанның ұйым мен демократиялық институттар және адам құқығы жөніндегі бюроның тағдырына қатысты міндеттемелеріне де үлкен ризашылықөпен қарайды".
"Біз бұған қоса Тәжин мырзаның заңнамалық сипаттағы реформалар, БАҚ саласындағы заңнама мен сайлау заңнамасын реформалау салаларына қатысты демократиялық реформаларды одан әрі ілгерілету жөнінде Қазақстан атынан жүктеп алған міндеттемесіне де қуаныштымыз әрі ризамыз", - деді Д. Ордвэй.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.