Алматыда ертең Иран ядролық бағдарламасына қатысты келiссөздер басталады
"26-ақпан, ертең, Алматы қаласында Иран ядролық бағдарламасы төңiрегiнде алтылық санатында өтетiн келiссөздердiң басталатынын хабарлаймын. Бұл келiссөздерге БҰҰ қауiпсiздiк кеңесiнiң тұрақты бес мемлекетi - Ресей, Қытай, АҚШ, Франция мен Ұлыбритания, сонымен қатар Иран Ислам Республикасы, Германия және Еуропалық одақ өкiлдерi қатысады", - дедi А.Ибибуллаев.
Астана. 25-ақпан. Kazakhstan Today - Алматы қаласында ертең Иран ядролық бағдарламасы төңiрегiнде алтылық санатында өтетiн келiссөздер басталады, деп хабарлайды Kazakhstan Today агенттігінің тілшісі.
Бұл туралы бүгiн ҚР Президентi жанындағы Орталық коммуникациялар қызметiнiң ресми өкiлi Алтай Ибибуллаев мәлімдеді, деп хабарлайды BNews.kz тілшісі.
"26-ақпан, ертең, Алматы қаласында Иран ядролық бағдарламасы төңiрегiнде алтылық санатында өтетiн келiссөздердiң басталатынын хабарлаймын. Бұл келiссөздерге БҰҰ қауiпсiздiк кеңесiнiң тұрақты бес мемлекетi - Ресей, Қытай, АҚШ, Франция мен Ұлыбритания, сонымен қатар Иран Ислам Республикасы, Германия және Еуропалық одақ өкiлдерi қатысады", - дедi А.Ибибуллаев.
Оның хабарлауынша, бүгiн келiссөздерге қатысушылар делегациясы Алматыға ат басын бұруда.
"Қабылдаушы тарап ретiнде бiз келсiссөздерге қатысты барлық дайындық шараларын бүгiнгi таңға дейін толығымен аяқтадық деп айтуға болады. Аталмыш келiссөздердiң қорытындысы бойынша өзара тиiмдi уағдаластыққа қол жеткiзiледi деген үлкен үмiттемiз", - деп толықтырды Орталық коммуникациялар қызметiнiң ресми өкiлi.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.