АСТАНА. 5-маусым. Kazakhstan Today. Алматыда 11-13-маусымда Еуропадағы қауіпсіздік және ынтымақтастық жөніндегі ұйымының жоғары деңгейлі кеңесі “Мәдениетаралық, дінаралық және ұлтаралық түсіністік” тақырыбы бойынша өтеді. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
“Форумда Еуропадағы қауіпсіздік және ынтымақтастық жөніндегі ұйымының кеңістігіндегі төзімділік мәселесін талқылап, шараға қатысушыларға осы саладағы Қазақстанның тәжірибесін таныстыру көзделген”,- деді Е.Ашықбаев.
СІМ өкілінің айтуынша, кеңеске Еуропадағы қауіпсіздік және ынтымақтастық жөніндегі ұйымына мүше 55 елден, халықаралық ұйымдар мен шетелдік және отандық бейресми ұйымдардан 300-ден астам өкілдер қатысады.