Алматыда жылдың аяғына дейін Шанхай ынтымақтастығы ұйымы елдерінің арасында өзара есеп айырысуда ұлттық валюталарды пайдалану мәселесі қаралады
Алматыда жылдың аяғына дейін Шанхай ынтымақтастығы ұйымы елдерінің арасында өзара есеп айырысуда ұлттық валюталарды пайдалану мәселесі қаралады
Астана. 14 қазан. Kazakhstan Today - Алматыда қаржы министрлері мен орталық банктердің басшыларының кеңесінде жылдың аяғына дейін Шанхай ынтымақтастығы ұйымы елдерінің арасында өзара есеп айырысуда ұлттық валюталарды пайдалану мәселесі қаралады, деп хабарлайды Kazakhstan Today Қазақстан үкімет басшысының баспасөз қызметіне сілтеме жасап.
Баспасөз қызметінің ақпаратына сәйкес, "бүгін Пекинде Шанхай ынтымақтастығы ұйымы үкімет басшылары кеңесінің отырысы аясында Қазақстан үкімет басшысы Кәрім Мәсімовтың ұсынысы бойынша ұйымға мүше елдердің үкімет басшылары Алматыда ағымдағы жылдың аяғына дейін қаржы министрлері мен орталық банктердің басшыларының кеңесін өткізіп, онда G20 саммитінің шешімдерін ескере отырып, әлемдік қаржы жүйесін бірлесе реформалау және әлемдік дағдарысқа бірлесе қарсы тұру мәселелерін талқылау жөнінде шешім қабылдады".
"Бұл отырыста сонымен бірге Шанхай ынтымақтастығы ұйымы елдерінің арасында өзара есеп айырысуда ұлттық валюталарды пайдалану мәселесі қаралады ", -делінген хабарламада.
"Сөйтіп, Қазақстан президенті Нұрсұлтан Назарбаевтың "Дағдарыстан шығу кілті" және "Бесінші жол" атты мақалаларына арқау болған идеялар Шанхай ынтымақтастығы ұйымы үкімет басшылары кеңесінің отырысында қабылданған шешімдерде көрініс табуда. Үкімет басшылары қаржы министрлері мен орталық банктердің басшыларына алдағы Алматыда өтетін кеңесте нақты мәселелерді шешуді тапсырды", - деп хабарлайды баспасөз қызметі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.