БАКУ. 13-ақпан. Kazakhstan Today. Изербайжан сыртқы істер министрі Эльмар Мамедьяровтың Астанаға сапары аясында Қазақстанның Карс - Ахалкалаки - Тбилиси - Баку бағытындағы халықаралық көлік дәлізін құру жобасына атсалысу мүмкіндігі талқыланады. Бұл туралы Изербайжан сыртқы істер министрінің өзі журналистерді құлағдар етті, деп хабарлайды Kazakhstan Today тілшісі Бакуден.
Министрдің Қазақстанға сапары 27-ақпанға межеленген.
"Изербайжан Қазақстанның аталмыш жобаға қатысуынан мүдделі. Сол себепті бұл мәселе сапар аясында талқыланады",- деді Э.Мамедьяров.
Еске сала кетейік, Карс - Ахалкалаки - Тбилиси - Баку көлік дәлізін құру жобасына ұзындығы 98 шақырымдық Карс - Ахалкалаки темір жол тармағын салу қамтылады. Оның 68 шақырымы Түркия, 30 шақырымы Грузия аумағы арқылы өтеді. Жоба аясында сонымен бірге Ахалкалаки - Тбилиси жол бөлігін жаңалау көзделген. Түркиядағы құрылыс жұмыстары $220 млн, Грузияда $202 млн-ға бағаланған. Жұмыстар 2007-жылғы жазда басталады деп күтілуде.
Алдын-ала баға бойынша, Карс - Ахалкалаки - Тбилиси - Баку бағытындағы темір жолды пайдалануға бергеннен 2-3 жылдан кейін ол арқылы 3 - 5 млн тонна жүк тасымалданатын болады, ал жүк тасымалдаушылар үшін қолайлы баға қалыптасса, 5 жылдан кейін тасымал көлемі 5 - 8 млн тоннаға дейін өсуі мүмкін.Тасымалданатын өнімдердің бір бөлігін мұнай және мұнай өнімдері иемденсе, басым бөлігін кокс, күкірт, түсті металдар секілді басқа да өнімдер құрайды.
Сонымен бірге, министрдің айтуынша, оның Астанаға сапары барысында Изербайжан президенті Ильхам Илиевтің алдағы Қазақстанға сапарына дайындық мәселелері мен екі жақты қарым-қатынасқа қатысты мәселелер қаралады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Астана мен Баку Қазақстанның көлік дәлізін құру жобасына атсалысу мүмкіндігін талқылайды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.