АЛМАТЫ. 23 - мамыр. Kazakhstan Today. Астанада Азия және Тынық мұхиты аймағының экологиялық бас қосуын өткізу туралы шешім алдағы жылдың көктемінде Бангкокте өтетін ЭСКАТО 64-ші сессиясында қабылданады. Бұл туралы бүгін ЭСКАТО 63-ші сессиясының аяқталуына орай өткен баспасөз мәслихатында БҰҰ бас хатшысының орынбасары - ЭСКАТО атқарушы хатшысы Ким Хак Су мәлімдеді, деп хабарлайды Kazakhstan Today агенттігінің тілшісі.
"Мен комиссияның аталмыш сессиясының ойдағыдай өткізілуінен кейін Қазақстан үкіметінің жасаған ұсынысын жоғары бағалаймын. Қазақстан Республикасының қоршаған ортаны қорғау министрі Азия және Тынық мұхиты аймағының келесі экологиялық бас қосуын Астанада 2010 жылы өткізуге ұсыныс жасады", - деп атап өтті Ким Хак Су.
"Бұл кездесу бес жылда бір рет өткізіледі. Соңғы рет Кореяда өткізілген болатын",-деп еске сала кетті ол. "Экологиялық бас қосуды Астанада өткізу өте маңызды ұсыныс болып табылады. Біздің ұйымның үкімет өкілдері бұл мәселені Бангкокте, ЭСКАТО 64-ші сессиясы аясында талқылайтын болады",- деп түсіндірді Ким Хак Су.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Астанада Азия және Тынық мұхиты аймағының экологиялық бас қосуын өткізу туралы шешім ЭСКАТО 64-ші сессиясында қабылданады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.