АСТАНА. 16-наурыз. Kazakhstan Today. Астанада 18-сәуірде өтетін ЕурАзЭҚ Мемлекетаралық кеңесінің отырысында үкімет басшысы Кеден одағының құқықтық базасын құру мәселесін талқылайды. Бұл туралы ЕурАзЭҚ интеграциялық комитетінің отырысының аяқталуы бойынша өткен брифингте қоғамдастықтың бас хатшысы Григорий Рапота мәлім етті, деп хабарлайды Kazakhstan Today агенттігінің тілшісі.
"Бүгін үш елдің - Ресей, Қазақстан және Беларусьтың өкілдерінің - кеден одағының құқықтық базасын құруға байланысты жан-жақты сұхбат өтіп, осы әңгімені сәуір айында жалғастыруға шешім қабылданды",- деді Г. Рапота. "Алда көптеген жұмыстар күтіп тұр. Бірақ, біз алға жылжудамыз және де бұл өз жемісін береді деген үміттеміз",- деп қосты ЕурАзЭҚ бас хатшысы Григорий Рапота.
Жұма күні таңертең Г. Рапота журналистерге берген сұхбатында, "ЕурАзЭҚ аясында Кеден одағының құқықтық базасын құру мәселесі жөнінде, әзірге кейбір қайшылықтар бар. Бұл әрине қалыпты жағдай, себебі бұл өте қиын міндет және де әрбір елдің экономикалық мүддесіне қатысы бар. Бірақ, біз бұл қайшылықтар үстіміздегі жылдың ішінде, тіптен жылдың бірінші жартысында жойылуы мүмкін, деп жоспарлап отырмыз" деп мәлімдеді.
Сонымен қатар, оның сөздеріне сүйенсек, Интеграциялық комитеттің отырысында көлік ынтымақтасты жөніндегі мәселелер, валюталық реттеулер мен экспорттық бақылауға байланысты мәселелер, көлікте жаңа технологияларды қолдануға байланысты мәселелер және т.б. талқыланды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Астанада ЕурАзЭҚ Мемлекетаралық кеңесінің отырысында үкімет басшысы Кеден одағының құқықтық базасын құру мәселесін талқылайды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.