Астанада Қазақстан мен Біріккен Араб Имірліктерінің сыртқы саяси ведомстволарының арасында саяси консультациялар өтеді
Астанада Қазақстан мен Біріккен Араб Имірліктерінің сыртқы саяси ведомстволарының арасында саяси консультациялар өтеді
Астана. 12 мамыр. Kazakhstan Today - Астанада 12 мамыр күні Қазақстан Республикасы мен Біріккен Араб Имірліктерінің сыртқы саяси ведомстволарының арасында саяси консультациялар жүргізіледі. Қазақстан тарапын сыртқы істер министрінің орынбасары Н. Ермекбаев, ал Имірліктер тарапын сыртқы істер жөніндегі мемлекеттік министрі Анвар Гаргаш басқарады. Бұл туралы Астанада өткен брифингте ҚР Сыртқы істер министрлігінің баспасөз хатшысы Ілияс Омаров мәлім етті, деп хабарлайды Kazakhstan Today.
Консультация аясында тараптар екіжақты ынтымақтастықтың жағдайы мен болашағын, халықаралық және аймақтық ұйымдар шеңберіндегі өзара ықпалдастық, қазақстандық бастама бойынша АӨСШК шақыруды жүзеге асыруға Имірліктер тарапының қатысуы, Илемдік және дәстүрлі діндер басшыларының сьезі жөніндегі мәселелер қарастырылмақ. Сондай-ақ, Ауғанстанды тұрақтандыруға ҚР мен БАИ-нің қатысуына байланысты мәселелер талқыланады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.