АСТАНА. 3 - мамыр. Kazakhstan Today. Бүгін Астанада парламент мәжілісінің ғимаратында "Қазақстан Республикасы - Еуропалық Одақ" парламенттік ынтымақтастық жөніндегі комитетінің жетінші отырысы өтуде, деп хабарлайды Kazakhstan Today агенттігінің тілшісі.
Отырысқа Қазақстан парламентінің қос палатасының депутаттары мен Еуропалық Одақтың мүшелері қатысуда.
Мәжіліс аппаратының баспасөз қызметінен хабарлағандай, парламентшілер Қазақстан мен Еуропалық Одақ арасындағы өзара ықпалдастықты одан әрі дамыту туралы, "Қазақстан Республикасы - Еуропалық Одақ" арасындағы серіктестік пен ынтымақтастық туралы келісімді жүзеге асыру туралы, сауда-экономикалық байланыстардың ахуалы мен болашағы туралы, Қазақстан Республикасы мен Еуропалық Одақ арасындағы Орта Азиядағы лаңкестікпен, ұйымдасқан қылмыспен және есірткі сатумен күрес саласындағы ынтымақтастығы туралы пікірлерімен алмасуда.
Тараптар саяси, экономикалық және әлеуметтік саладағы екіжақты өзара ықпалдастықтың, Орта Азия мемлекеттерімен қоршаған орта және денсаулық сақтау, энергетикалық диалогты дамыту және басқа да проблемалар бойынша аймақтық ынтымақтастық мәселелерін кең ауқымда талқылайды.
Отырыс екі күнге созылмақ. Жұма, 4-мамырда комитет кездесу қорытындысын шығарады.
Естеріңізге сала кетейік, парламенттік ынтымақтастық комитеті Қазақстан Республикасы мен Еуропалық Одақ арасындағы серіктестік пен ынтымақтастық туралы 1995 жылдың 23-қаңтарында қол қойылған келісімнің 82-бабына сәйкес 2000 жылы құрылған болатын. Комитеттің Қазақстан жағының тең төрағасы парламент мәжілісі төрағасының орынбасары Сергей Дьяченко болып табылады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Астанада Қазақстан Республикасы мен Еуропалық Одақтың парламенттік ынтымақтастық комитетінің жетінші отырысы өтуде
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.