Астанада Қазақстан және Қырғызстан Сыртқы істер министрлері кеңесінің үшінші отырысы басталды
Астанада Қазақстан және Қырғызстан Сыртқы істер министрлері кеңесінің үшінші отырысы басталды
Астана. 30 сәуір. "Қазақстан Бүгін" - Астанада Қазақстан және Қырғызстан Сыртқы істер министрлері кеңесінің үшінші отырысы басталды, деп хабарлайды "Қазақстан Бүгін" агенттігінің тілшісі.
ҚР сыртқы істер министрі Марат Тәжиннің атап өткеніндей, отырыс барысында Қазақстан мен Қырғызстанның саяси бастамаларын үйлестіру мәселелерін талқылау ұсынылып отыр.
"Біздің пікірлеріміз ортақ, Қазақстан мен Қырғызстан арасындағы қарым-қатынас қарқынды дамуға тиіс", - деді М. Тәжин.
"Бүгінгі отырыс барысында біз біздің сыртқы саяси бастамаларымызды үйлестіру, екі жақты ынтымақтастықты дамыту мақсаттарын айқындау мәселелерін, сондай-ақ, жақын уақытта өтетін қазақ-қырғыз үкіметаралық кеңесінің бірінші отырысының күн тәртібінің жобасын талқылауды ұсынамыз", - деді министр.
Өз кезегінде Қырғыз Республикасының сыртқы істер министрі Қадырбек Сарбаевтың айтуынша, "Қырғызстан екі мемлекет арасында 2003 жылы 25 желтоқсанда қол қойылған Одақтастық қарым-қатынас жөніндегі шартқа сәйкес Қазақстанмен арада көпқырлы ынтымақтастықты одан әрі тереңдете түспек ниетте".
СІМ кеңесінің үшінші отырысында сауда-экономикалық, су-энергетикалық және мәдени-гуманитарлық салалардағы екіжақты ынтымақтастықтың көкейкесті мәселелері талқыланады.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.