Астанада Қазақстан-Ресей бизнес форумы өткізіледі -ҚР СІМ
Астанада Қазақстан-Ресей бизнес форумы өткізіледі -ҚР СІМ
Астана. 16 маусым. "Қазақстан Бүгін"- Астанада маусымның 17-18 күндері Қазақстан-Ресей бизнес форумы өткізіледі. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Қазақстан Бүгін тілшісі.
"Форумды ұйымдастырушылар - екі елдің сауда-өнеркәсіп палаталары болып табылады. Форумға ТМД елдерінің Сауда-өнеркәсіп палаталарының басшылары және ТМД Атқару комитетінің төрағасы - ұйымының атқарушы хатшысы Сергей Лебедев қатысады",- деді Е.Ашықбаев.
ҚР СІМ ресми өкілінің хабарлауынша, сондай-ақ, "19 маусымда Астанада БҰҰ Даму Бағдарламасының Қазақстандағы өкілдігі, ҚР президентінің жанындағы Адам құқықтары жөніндегі комиссиясы, Еңбек және халықты әлеуметтік қорғау министрлігі және БҰҰ Адам құқықтары жөніндегі бас комиссарының аймақтық кеңсесі бірлесіп ұйымдастыратын халықаралық дөңгелек үстел өтеді".
"Шараның басты мақсаты мүгедектердің құқықтары жөніндегі БҰҰ Конвенциясы туралы ақпараттың таралымын өсіру және бұл Конвенцияға Қазақстанның қосылу мүмкіндіктерін талқылау болып табылады",- деді Е.Ашықбаев.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.