Астанада ҚР премьер-министрі мен РФ үкіметінің төрағасының кездесуі өтті
Кеңейтілген құрамда өткен келіссөз барысында К.Мәсімов Д.Медведевтің Қазақстанға жасаған осы сапары екіжақты өзара қарым-қатынастың алға басуына қосымша қарқын береді деген сенімін жеткізді.
Астана. мамыр. Kazakhstan Today - Кеше Үкімет үйінде Қазақстан Республикасының Премьер-Министрі Кәрім Мәсімов пен Ресей Федерациясы Үкіметінің Төрағасы Дмитрий Медведевтің арасында келіссөз өтті, деп хабарлайды Kazakhstan Today агенттігінің тілшісі.
Кеңейтілген құрамда өткен келіссөз барысында К.Мәсімов Д.Медведевтің Қазақстанға жасаған осы сапары екіжақты өзара қарым-қатынастың алға басуына қосымша қарқын береді деген сенімін жеткізді.
Өз кезегінде, Д.Медведев бұл Ресей Федерациясы Үкіметінің Төрағасы ретінде шет елге жасап отырған алғашқы сапары екенін атап өтті. "Менің ойымша, бұл сапарда біздің соңғы жылдардағы ынтымақтастығымыз қол жеткізіп отырған жетістіктердің символы бар", - деді өз сөзінде Д.Медведев.
РФ Үкіметінің Төрағасы атап өткендей, соңғы жылдары Қазақстан мен Ресей арасындағы сауда ынтымақтастық көлемі айтарлықтай артқан. Бұл сауда-экономикалық айналымның тұтастай алға басуымен, сондай-ақ Кеден одағына кіретін үш мемлекет арасындағы ықпалдастық үдерістерімен де байланысты", - деді Д.Медведев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.