Астанада ҚР Үкіметі мен ИДБ тобы арасында Елдік Иріптестік Стратегиясының тұсауы кесілді
Іс-шараға ҚР Премьер-Министрінің орынбасары - Индустрия және жаңа технологиялар министрі Исет Исекешев және Ислам Даму Банкінің президенті Ахмад Мұхамед Или қатысуда.
Астана. 2-қазан. Kazakhstan Today - Астанада ҚР Үкіметі мен ИДБ тобы арасында Елдік Иріптестік Стратегиясының тұсауы кесілді, деп хабарлайды Kazakhstan Today агенттігінің тілшісі.
Бүгін Астанада "IDB Day" халықаралық конференциясы (Ислам Банкі Тобының күні) өтуде.
Іс-шараға ҚР Премьер-Министрінің орынбасары - Индустрия және жаңа технологиялар министрі Исет Исекешев және Ислам Даму Банкінің президенті Ахмад Мұхамед Или қатысуда.
Ислам Даму банкі Тобының Қазақстан мен ИДБ тобы арасындағы орта және ұзақ мерзімді әріптестіктің берік негізін орнату мақсатында тараптар 2012-2014 жылдарға арналған Қазақстанмен Елдік Иріптестік Стратегиясына қол қойды. Бұл ТМД-да алғашқы рет іске асырылып отырған шара.
ИДБ тобының барлық субъектілерінің өнімдері мен қызметтерінің кең ауқымын қалың аудиторияға оның ішінде ҚР Үкіметіне, бизнес-қауымдастыққа және елде жұмыс істейтін халықаралық ұйымдарға таныстыру іс-шараның негізгі мақсаты болып табылады.
Елдік Иріптестік Стратегиясы (MCTS) -ҮИИД хабарламасы шеңберінде елдегі өз қызметін бекітетін ИДБ әріптестігінің жаңа моделі. ІДБ тобы көлік, энергетика, ауыл шаруашылығы секторларын дамытуға және ауылдық аудандар мен шикізаттық емес салалар өнеркәсібін, ғылым мен технологияларды дамытуға, қаржы секторын, өңіраралық ынтымақтастықты әртараптандыруға жәрдемдесетін болады.
Бұдан өзге ИДБ тобы Қазақстанда және Орталық Азия өңірінде Исламбанкингі мен қаржысы үшін институциональдық және реттеу ортасын жақсартуға ҚР Үкіметімен тығыз жұмыс істейтін болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.