Астанаға Румынияның экс-президенті Э.Константинеску келді
Бүгін ол Сәкен Сейфуллин атындағы Қазақ агротехникалық университетінде болып, студент-жастарға дәріс оқыды.
Астана. 28-қараша. Kazakhstan Today - "Назарбаев оқуларына" қатысу үшін Астанаға Румынияның экс-президенті Эмиль Константинеску келді, деп хабарлайды Kazakhstan Today агенттігінің тілшісі.
Бүгін ол Сәкен Сейфуллин атындағы Қазақ агротехникалық университетінде болып, студент-жастарға дәріс оқыды.
"Қазақстанның даму тарихында Назарбаев күрделі мәселелерді шешіп, өз елі үшін сара жолды салып берді. Шынымен де, ол адамды көшбасшы деп атауға болады. Нұрсұлтанмен кездескен кезде, біз әлемдік саясат пен экономика төңірегінде біраз пікір алысқан едік. Сонда мен оның терең әрі кең ой өрісін байқап қалдым. Ондай қасиет тек әлемдік көшбасшыларға сай", - деп атап көрсетті Э. Константинеску.
"Сол себепті "Назарбаев оқулары" сияқты іс-шараны өткізу бүгінде аса маңызды. Қазіргі әлемдік дағдарыс жағдайында ондай мәжілістердің Қазақстан үшін ғана емес, барлық мемлекеттерге ауадай қажет", - дейді Румынияның экс-президенті.
Сондай-ақ ол Н.Назарбаевтың бастамасы - "АТОМ" жобасының маңыздылығын ерекше атап өтіп, оның әлемдік қауымдастықтың қауіпсіздігі үшін аса керек екендігін жеткізді.
Бүгінгі дәрістен кейін Румынияның экс-президенті Эмиль Константинескуге "Сәкен Сейфуллин атындағы Қазақ агротехникалық университетінің құрметті профессоры" атағы берілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.