Ауғанстанда президенттің ағасымен қоштасу рәсімі кезінде мешітте жарылыс болды
Reuters агенттігінің ақпаратына сүйенсек, оқиға салдарынан лауазымды шенеунік қаза тапқан. Тағы 11 адам жарақаттанған. Изірге лаңкестік топтардың ешқайсысы жарылысты өз мойындарына алған жоқ, деп хабарлайды РБК агенттігі.
Алматы. 14 шілде. Kazakhstan Today - Кандагар қаласында Ауғанстан президенті Хамид Карзайдың қастандық салдарынан қайтыс болған ағасы Ахмед Вали Карзайдың жаназасын шығарып жатқан мешітте қуатты жарылыс болды, деп хабарлайды Kazakhstan Today агенттігінің тілшісі.
Reuters агенттігінің ақпаратына сүйенсек, оқиға салдарынан лауазымды шенеунік қаза тапқан. Тағы 11 адам жарақаттанған. Изірге лаңкестік топтардың ешқайсысы жарылысты өз мойындарына алған жоқ, деп хабарлайды РБК агенттігі.
Бірнеше минут өткенде осы жерде екінші жарылыс болған. Лаңкестік әрекеттен 4 адам жан тапсырған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.