Бакуде Изербайжан мен Қазақстанның қорғаныс мекемелерінің басшылары екі елдің әскери ынтымақтастық мәселелерін талқылады
Бакуде Изербайжан мен Қазақстанның қорғаныс мекемелерінің басшылары екі елдің әскери ынтымақтастық мәселелерін талқылады
Баку. 9-қазан. "Қазақстан Бүгін" - Бакуде Қазақстанның қорғаныс министрі Даниал Ахметов пен Изербайжанның қорғаныс министрі Сафар Ибиев екі елдің әскери ынтымақтастығы жөніндегі мәселелерін талқылады, деп хабарлайды "Қазақстан Бүгін" агенттігінің тілшісі Изербайжанның Қорғаныс министрлігінің баспасөз қызметіне сілтеме жасай отырып.
Баспасөз қызметінің ақпараттарына сүйенсек, дүйсенбіде, 8-қазанда, министрлер тар және кең құрамда кездесу өткізген. Кездесу барысында Қазақстан мен Изербайжан арасындағы ынтымақтастықты дамытудың болашағы талқыланған.
Кездесу қорытындысы бойынша, екі ел арасындағы екіжақты әскери ынтымақтастық Жоспарына қол қойылды.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.