Беларусь Кедендік одақ комиссиясының отырысында мұнайдың баж салығына қатысты мәселені талқылауды ұсынуда
Беларусь Кедендік одақ комиссиясының отырысында мұнайдың баж салығына қатысты мәселені талқылауды ұсынуда
Алматы. 25 ақпан. Kazakhstan Today - Беларусь жағы 26 ақпанға жоспарланған Кедендік одақ комиссиясының 14-ші отырысының күн тәртібіне Ресейден Беларусьқа шығарылатын мұнай өнімдерінен Ресейдің баж салығын алуына қатысты мәселені талқылауды ұсынуда. Бұл туралы Беларусь жағының мемлекеттік басқарушы органдарының өкілі мәлім етті, деп хабарлайды Kazakhstan Today БЕЛТА ақпараттық агенттігіне сілтеме жасап.
Беларусь жағының пікірінше, Ресейдің осы тектес баж салығын қолдануы Кедендік одақтың келісім-құқықтық базасын қалыптастыратын келісімдерде қарастырылған халықаралық міндеттемелерді бұзуға жатады. Атап айтсақ, ол Ресей Федерациясы мен Беларусь Республикасы арасындағы 1995 жылдың 6 қаңтарындағы Кедендік одақ туралы келісімге (1995 жылдың 30 қарашасында күшіне енген), 1999 жылдың 26 ақпанындағы Кедендік одақ және Біртұтас экономикалық кеңістік туралы шартқа (1999 жылдың 23 желтоқсаны), Кедендік одақты құру және біртұтас кедендік аумақ құру туралы 2007 жылдың 6 қазанындағы шартқа (2008 жылдың 10 қазаны) қатысты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.