Беларусь пен Қазақстан арасындағы көліктік бақылау 1-сәуірден бастап жойылды
Беларусь пен Қазақстан арасындағы көліктік бақылау 1-сәуірден бастап жойылды, деп хабарлайды Kazakhstan Today агенттігінің тілшісі.
Алматы. 1 - сәуір. Kazakhstan Today - Беларусь пен Қазақстан арасындағы көліктік бақылау 1-сәуірден бастап жойылды, деп хабарлайды Kazakhstan Today агенттігінің тілшісі.
BNews.kz. ақпараттық агенттігінің хабарлауынша, бүгіннен бастап Беларус-Ресей шекарасында көліктік бақылау жойылған. Енді көліктік бақылау Кеден одағының сыртқы контурына шеттетілді, - деп хабарлайды РБК.
Беларус Көлік және коммуникация министрлігі Көлік инспекциясы басқармасының басшысы Павел Стасевич БЕЛТА-ға хабарлағандай, көлік бақылауы екі ел шекарасының бойында орналасқан автомобилдік өткізу бекетінде жойылды. Бұл дегеніңіз, шекарада көліктер тексерілмейді.
П.Стасевичтің айтуынша, елдер сыртқы шекарада жүргізілетін көлік бақылауының параметрлерін анықтаған болатын. Атап айтқанда, беларустік мамандар РФ-қа жол тартқан тасымалдаушылардан ресейлік рұқсат, соның ішінде, қауіпті жүкті тасымалдау, ауыр салмақты және ірі ауқымды көліктерге рұқсат, ресейлік нормаларға сәйкес автокөліктің салмақтық параметрлерін тексереді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.