Бірінші шетелдік сапарды дәл Қазақстаннан бастау Ресейдің стратегиялық ынтымақтастықты одан әрі жалғастырудан мүдделілігін паш етеді - Медведев
Бірінші шетелдік сапарды дәл Қазақстаннан бастау Ресейдің стратегиялық ынтымақтастықты одан әрі жалғастырудан мүдделілігін паш етеді - Медведев
Астана. 22 мамыр. "Қазақстан Бүгін" - Ресей президенті Дмитрий Медведев бірінші шетелдік сапарын дәл Қазақстаннан бастауы Ресейдің стратегиялық ынтымақтастықты одан әрі жалғастырудан мүдделілігін паш ететінін айтты. Бұл туралы ол бүгін Елбасы Нұрсұлтан Назарбаевпен жеке жүздесуі кезінде мәлімдеді, деп хабарлайды агенттік тілшісі.
"Менің Қазақстанға сапарым кездейсоқтық емес. Бұл Қазақстан мен Ресей арасында қалыптасқан бекем ынтымақтастық векторының, айрықша сенімді әрі бауырластық қатынастардың айғағы", - деді Д. Медведев.
"Дәл осындай қарым-қатынастар Путин мырза екеуіңіздің тындырған барлық істеріңіздің мейірбан жалғасы бола алады деп санаймын. Біз осындай қарым-қатынасты жалғастыра аламыз деп ойлаймын", - деді ол.
Өз кезегінде Қазақстан мемлекет басшысы "Қазақстан үшін Ресейдің жаңа президентінің бірінші шетелдік сапарын дәл Қазақстаннан бастауы үлкен абырой" екенін атап өтті.
Н. Назарбаев Ресеймен арадағы екі жақты ынтымақтастықтың одан әрі тереңдей әрі кеңейе түсетініне сенім білдірді. "Бүгінгі нақты ахуал бұның екі мемлекет үшін де тиімді екенін көрсетіп отыр", - деді Қазақстан президенті.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.