БІШКЕК. 21-қыркүйек. Kazakhstan Today. Бішкекте "Орталық Азия және Шығыс Еуропа елдеріндегі ВИЧ/СПИД проблемасы : індеттің таралуына қарсы тұру шараларын заңнамалық тұрғыда қамтамасыз ету және аймақаралық ынтымақтастықтың басымдықтары" атты халықаралық парламенттік конференция 25-қыркүйекте өтеді, деп хабарлайды Kazakhstan Today тілшісі Қырғызстан парламентінің баспасөз қызметіне сілтеме жасап.
Шараға Қазақстан, Қырғызстан, Ресей, Тәжікстан, Өзбекстан және халықаралық ұйымдардың өкілдері қатысады.
Бас қосуда Орталық Азияда СПИД індетінің таралуы, стратегиялық басымдықтар, міндеттер мен оларды шешу мүмкіндіктері, СПИД-пен күрес шараларын заңнамалық тұрғыда қамтамасыз ету саласындағы халықаралық тәжірибе мәселелері талқыланады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Бішкекте ВИЧ/СПИД проблемасына арналған халықаралық парламенттік конференция өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.