Бүгін Алматыда Теңізге шығу мүмкіндігі жоқ елдер сауда министрлерінің төртінші кездесуі өтті
Құрлықтың қақ ортасында орналасқан мемлекеттер әлемнің кез-келген аймақтарының нарығын игеруге ниетті.
Алматы. 12-қыркүйек. Kazakhstan Today - Бүгін Алматыда Теңізге шығу мүмкіндігі жоқ елдер сауда министрлерінің төртінші кездесуі өтті, деп хабарлайды Kazakhstan Today агенттігінің тілшісі.
Құрлықтың қақ ортасында орналасқан мемлекеттер әлемнің кез-келген аймақтарының нарығын игеруге ниетті.
Бүгін Алматыда Теңізге шығу мүмкіндігі жоқ елдер сауда министрлерінің төртінші кездесуі өтті. Іс-шараға 30 мемлекеттің министрлері, Біріккен Ұлттар Ұйымы, Дүниежүзілік сауда ұйымы секілді беделді халықаралық ұйымдар мен ірі-ірі қаржы институттарының өкілдері қатысты. Теңіз жолдарынан шалғайда жатқан мемлекеттер бірінші кезекте транзитті елдермен қарым-қатынасын нығайтуы қажет. Стандарттау, рационалдау, тауар транзиті саласындағы құжаттамаларды жеңілдету де маңызды. Сауда-саттықты дамыту үшін транзит жүйесінің тиімділігін арттырып, шығындарды қысқарту, әкімшілік үдерістерді жылдамдату да өзекті.
Теңізге шығуға мүмкіндігі жоқ елдер Министрлерінің алғашқы кеңесі 2003 жылы БҰҰ Бас Ассамблеясының шақыртуымен Алматы қаласында өткен. Сол жылы -,,Алматы іс-қимыл бағдарламасы,, қабылданады. Осы уақыт аралығында Қазақстан тарапы көлік және логистикалық инфроқұрылымды дамытуда қомақты жұмыс атқарды деді Экономикалық даму және сауда министрі Бақытжан Сағынтаев. Болашақта Қазақстан Еуроодақ пен Азия тынық мұхиты аймағы арасындағы алтын көпірге айналмақ. Министр Сағынтаев өз әріптестеріне Қазақстан геосаяси орналасуы, экономикалық әлеуеті және тарихи дәстүріне байланысты халықаралық интеграцияның белсенді жақтаушысы екенін жеткізді. Мамандардың айтуынша соңғы жылдары кемесі жоқ мемлекеттердің дүниежіүізілік сауда айналымындағы үлесі артып келеді.
"Экономикалар артып жатыр. Бірақ енді осы елдер осыдан да жоғары деңгейге жеткілері келеді. Сол себептен де өмірде болып жатқан өзгерістер, экономикада, әлемдік экономикада болып жатқан өзгерістер өзінің тиімділігін жеткізеді",- ҚР Экономикалық даму және сауда министрі Бақытжан Сағынтаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.