Бүгін Бакуде Экономикалық ынтымақтастық ұйымы (ЭЫҰ) мемлекет және үкімет басшыларының XII саммиті өтеді
Оның атап өтуінше, саммит барысында аймақтық экономикалық ынтымақтастықты әрі қарай дамыту, көлік және коммуникациялар, ауыл шаруашылығы, энергетика және қоршаған ортаны қорғау салаларындағы өзекті мәселелермен қатар, Экономикалық ынтымақтастық ұйымына мүше елдер интеграциясын тереңдету, әлеуметтік-мәдени және ғылыми-техникалық дамуына қатысты маңызды мәселелер талқыланады.
Астана. 16-қазан. Kazakhstan Today - Бүгін Бакуде Экономикалық ынтымақтастық ұйымы (ЭЫҰ) мемлекет және үкімет басшыларының XII саммиті өтеді, деп хабарлайды Kazakhstan Today агенттігінің тілшісі.
Бұл туралы бүгін Астанада ҚР Сыртқы істер министрлігінің ресми өкілі Алтай Ибибуллаев мәлім етті.
Оның атап өтуінше, саммит барысында аймақтық экономикалық ынтымақтастықты әрі қарай дамыту, көлік және коммуникациялар, ауыл шаруашылығы, энергетика және қоршаған ортаны қорғау салаларындағы өзекті мәселелермен қатар, Экономикалық ынтымақтастық ұйымына мүше елдер интеграциясын тереңдету, әлеуметтік-мәдени және ғылыми-техникалық дамуына қатысты маңызды мәселелер талқыланады.
Басқосу қорытындысы бойынша "Баку декларациясы" қабылданады деп күтілуде. Саммитке Изірбайжан, Иран, Пәкістан, Ауғанстан, Тәжікстан мемлекет басшылары, Түркия Премьер-министрі мен Қырғызстан, Өзбекстан және Түрікменстанның жоғары лауазым иелері қатысады.
Саммитке Қазақстан Республикасы атынан Көлік және коммуникация министрі Асқар Жұмағалиев бастаған делегация қатысады. Бүгін Экономикалық ынтымақтастық ұйымы Сыртқы істер министрлері кеңесі өз жұмысын бастады. Кеңеске Қазақстан Республикасы Сыртқы істер министрінің орынбасары Аманкелді Жұмабаев қатысуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.