Бүгін қазақ-қырғыз мемлекеттік шекарасы туралы келісімді бекіту туралы грамоталармен алмасу жөніндегі хаттамаға қол қою рәсімі өтті
Бүгін қазақ-қырғыз мемлекеттік шекарасы туралы келісімді бекіту туралы грамоталармен алмасу жөніндегі хаттамаға қол қою рәсімі өтті
Астана. 5 тамыз. "Қазақстан Бүгін" - Астанада Қазақстан Республикасы мен Қырғыз Республикасы арасындағы 2001 жылдың 15 желтоқсанындағы казақ-қырғыз мемлекеттік шекарасы туралы келісімді бекіту туралы грамоталармен алмасу жөніндегі хаттамаға қол қою рәсімі өтті, деп хабарлайды агенттік тілшісі ҚР СІМ-нің баспасөз қызметіне сілтеме жасап.
"Бүгіннен бастап келісім өз күшіне енді", -делінген хабарламада.
Баспасөз қызметінің ақпаратына сәйкес, бұл келісім Қазақстан мен Қырғызстан арасындағы мемлекеттік шекараны демаркациялауға, яғни, шекараны жергілікті жерлерде белгілеуге құқықтық негіз болып табылады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.