БҰҰ Жоғарғы комиссары Қазақстандағы сапарын Сыртқы істер министрімен кездесуден бастады
Бүгін Алматыда БҰҰ-ның адам құқығы жөніндегі Жоғарғы комиссары Наванетхем Пиллэйдің Қазақстандағы жұмыс сапары Сыртқы істер министрі Ерлан Қазыхановпен кездесуден басталды.
Астана. 11-шілде. Kazakhstan Today - БҰҰ Жоғарғы комиссары Қазақстандағы сапарын Сыртқы істер министрімен кездесуден бастады, деп хабарлайды Kazakhstan Today агенттігінің тілшісі.
Бүгін Алматыда БҰҰ-ның адам құқығы жөніндегі Жоғарғы комиссары Наванетхем Пиллэйдің Қазақстандағы жұмыс сапары Сыртқы істер министрі Ерлан Қазыхановпен кездесуден басталды.
ҚР Сыртқы істер министрлігінің Алматыдағы өкілдігінде өткен бұл шара жабық есік жағдайында өтті. Онда Қазақстанның адам құқы саласындағы міндеттемлерінің орындалуы, Қазақстанның БҰҰ-ның адам құқығы жөніндігі жоғарғы комисариаты басқармаасының аймақтық кеңсесімен ынтымақтастық, Адам құқығы бойынша ұлттық әрекет жоспары, Азаптауға қарсы ұлттық первентивтік тетіктерін енгізу шаралары және тағы басқа мәселелер талқыланды.Сондай-ақ БҰҰ-ның адам құқығы жөніндегі кеңесі құрамындағы 2013-2015 жылдары Қазақстанның кандидатурасы сөз болды.
БҰҰ Бас хатшысының орынбасары енді өз сапарын Астанада жалғастырмақ. Онда бүгін Конституциялық кеңес төрағасы мен Ішкі істер министрімен кездесетін болады. Ал ертең мұндай шаралар Бас прокурорымен, Адам құқығы жөніндегі уәкілетті өкілмен, Иділет министрі мен ҚР Премьер-Министрінің орынбасары Ербол Орынбаевпен өткізілмек. Содан кейін Н.Пиллэй Қазақстандағы сапарының қорытындысы туралы арнайы баспасөз мәслихатын өткізеді деп жоспарлануда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.