Дүниежүзілік қоғамдастық Қазақстанның қауіп-қатерлерге қарсы тұру тәжірибесін зерттеуге тиіс - Словения президенті
Дүниежүзілік қоғамдастық Қазақстанның қауіп-қатерлерге қарсы тұру тәжірибесін зерттеуге тиіс - Словения президенті
Астана. 11 қараша. Kazakhstan Today - Дүниежүзілік қоғамдастық Қазақстанның қауіп-қатерлерге қарсы тұру тәжірибесін зерттеуге тиіс. Бұл туралы бүгін Словения президенті Данило Тюрк Қазақстан президенті Нұрсұлтан Назарбаевпен келіссөздерден кейін Ақордада өткен баспасөз мәслихатында мәлімдеді, деп хабарлайды Kazakhstan Today.
"Біз Қазақстанның түрлі қауіп-қатерлерге қарсы тұру саласында жинақтаған тәжірибесін және оның халықаралық бейбітшілік пен қауіпсіздікті нығайтуға қоса алатын ғаламдық үлесін зерттеуге тиіспіз", - деді Д. Тюрк.
"Қазақстан дүниежүзінің стратегиялық маңызды бөлігінде орын тепкен, мәселен, Ауғанстандағы дағдарысты ахуалды және басқа да бірқатар қатерлерді түсіне алады", - деді Словения президенті.
Оның айтуынша, "дүниежүзілік қоғамдастық бұл тәжірибеге мейлінше сезімталдықпен қарап, осы тәжірибені халықаралық күн тәртібіне енгізу тәсілдерін табуға тиіс".
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.