Душанбеде ТМД мемлекеттерінің үкіметтері жер сілкінісін хабарлаушыларды зерделеу жөніндегі бірлескен мониторинг жүргізу туралы келісімге қол қойды
Душанбеде ТМД мемлекеттерінің үкіметтері жер сілкінісін хабарлаушыларды зерделеу жөніндегі бірлескен мониторинг жүргізу туралы келісімге қол қойды
Душанбе. 1-қазан. "Қазақстан Бүгін" - Душанбе қаласында екі күнге созылған Қазба байлықтарды барлау, пайдалану және қорғау жөніндегі ТМД елдерінің үкіметаралық кеңесінің 11-ші сессия жұмысының қорытындысы бойынша ТМД елдерінің үкіметтері арасында "Жер сілкінісін хабарлаушыларды жер сілкінісін қысқа-орта-ұзақ мерзімдерде болжау әдісі ретінде зерделеу жөніндегі бірлескен гидрогеодинамикалық мониторинг өткізу туралы" келісімге қол қойылды. Бұл жөнінде кездесу барысында ТМД үкіметаралық кеңесінің төрағасы болып сайланған Тәжікстан үкіметі жанындағы Бас геология басқармасының бастығы Азим Иброхим мәлімдеді, деп хабарлайды "Қазақстан Бүгін" агенттігінің тілшісі.
Азим Иброхимнің айтуынша, сессияда, сондай-ақ, ТМД елдерінің жер асты байлығын зерттеуде, минералдық шикізаттық базасын нығайтуда және ғылыми-техникалық ынтымақтастықты дамытуда ерекше үлес қосқандығы үшін берілетін Халықаралық геологиялық жүлде тағайындау жөнінде шешім қабылданған.
ТМД елдерінің үкіметаралық кеңесінің келесі отырысы 2008 жылдың аяғында Украинада өтеді.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.