ДУШАНБЕ. 2- сәуір. Kazakhstan Today. Душанбеде 3-сәуірде ТМД парламентаралық ассамблеясының экономика және қаржы жөніндегі тұрақты комиссиясының кезекті отырысы өтеді, деп хабарлайды Kazakhstan Today агенттігінің тілшісі.
Республиканың Маджлиси намояндагон Маджлиси оли (парламенттің төменгі палатасы) баспасөз қызметінен хабарлағандай, бүгін Тәжікстанға ТМД парламентаралық ассамблеясының экономика және қаржы жөніндегі тұрақты комиссиясының делегациясы бес күндік жұмыс сапарымен келеді.
Комиссия мүшелерінің осы сапар аясында парламенттің төменгі палатасының спикері Сайдулло Хайруллоевпен және де палатаның экономика, бюджет, қаржы және салық жөніндегі комитетінің мүшелерінің тобымен кездесу жоспарланған. Делегация мүшелері сондай-ақ, Тәжікстанның Ұлттық банкінің іс-қызметімен танысып, елдің тарихи-өлкетану мұражайына барады. Сонымен қатар, олар Турсунзад қаласына барып, Тәжікстан алюминий зауытының жұмысымен танысады, деп атап өтті баспасөз қызметіндегілер.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Душанбеде ТМД парламентаралық ассамблеясының экономика және қаржы жөніндегі тұрақты комиссиясының отырысы өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.