Екі Судан мемлекеті арасындағы жағдай асқынуда
Соңғы күндері екі Судан мемлекеті арасындағы жағдай асқынып, шекарада әскери қақтығыстар жүріп жатыр. Суданның әскери ұшақтары Оңтүстік Суданның мұнай кеніштерін бомбалады.
Астана. 29-наурыз. Kazakhstan Today - Екі Судан мемлекеті арасындағы жағдай асқынуда, деп хабарлайды Kazakhstan Today агенттігінің тілшісі.
Соңғы күндері екі Судан мемлекеті арасындағы жағдай асқынып, шекарада әскери қақтығыстар жүріп жатыр. Суданның әскери ұшақтары Оңтүстік Суданның мұнай кеніштерін бомбалады.
Екі жақ та жағдайдың ушығуына бір-бірін кінәлап отыр. БҰҰ-ның Қауіпсіздік Кеңесі екі елдің басшылығын сабырлыққа шақырып, мәселені бейбіт жолмен шешуге шақырды. Судан жиырма жылдан аса созылған азамат соғысынан кейін, былтыр солтүстік және оңтүстік болып екіге бөлінген. Суданның солтүстігіндегі жұрт араб тілді мұсылмандар болса, оңтүстік аймақтарында христиан және діні мен тілі бөлек қара нәсілді тайпалар тұрады. Оңтүстік Судан тәуелсіздік алғанына қарамастан, шекарасын белгілемей, мұнай кеніштерін бөле алмаған. Сол себептен екі ел арасындағы қатынастар ушығуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.