ЕҚЫҰ ПА Грузияның аумақтық тұтастығының сақталуын қолдайды
ЕҚЫҰ ПА Грузияның аумақтық тұтастығының сақталуын қолдайды
Астана. 30 маусым. "Қазақстан Бүгін" - Еуропадағы қауіпсіздік және ынтымақтастық ұйымының Парламенттік ассамблеясы Грузия-Абхазия қақтығысын шешу кезінде Грузияның аумақтық тұтастығының сақталуын қолдайды. Сенбі күні болған баспасөз мәслихатында ЕҚЫҰ ПА төрағасы Йоран Леннмаркер осындай пікір білдірді, деп хабарлайды "Қазақстан Бүгін" агенттігінің тілшісі.
"ЕҚЫҰ мүшелерінің барлығының ұстанымы біреу - біз Грузияның аумақтық тұтастығын сақтауымыз керек. Ешкім де аумақтық тұтастыққа қол сұқпауы керек", - деп мәлімдеді Й. Леннмаркер.
Ол БҰҰ Абхазия жөніндегі шешім қабылдауға, ал ЕҚЫҰ соның қалай жүзеге асатына жауап беретінін еске салды. "Біз келісімді, осы қақтығыстың шешімін тапқымыз келеді", - деп атап өтті ЕҚЫҰ ПА төрағасы.
"Алайда, ең бастысы - Грузия мен ЕҚЫҰ басқа да мүшелерінің аумақтық тұтастығын сақтау болып табылады", - деп атап көрсетті ол.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.