ЕҚЫҰ Парламенттік ассамблеясы Қазақстанның 2009-жылы ұйымға төрағалық жасау жөніндегі сұранымын қолдайды
ВЕНА. 30-қараша. Kazakhstan Today. ЕҚЫҰ Парламенттік ассамблеясы Қазақстанның 2009-жылы ұйымға төрағалық жасау жөніндегі сұранымын қолдайды. Бұл туралы ЕҚЫҰ Парламенттік ассамблеясының төрағасы Гёран Леннмаркер 14-қарашада ұйымның Венадағы бас пәтерінде сөйлеген сөзінде мәлімдеді, деп хабарлайды Kazakhstan Today агенттігі.
"Қазақстанның Еуропадағы қауіпсіздік және ынтымақтастық жөніндегі ұйымына төраға болуы Орталық Азияны ұйымның іс-қызметіне тартуға, әсіресе, шиеленістерді реттеу, адам құқықтары, адам саудасы мен есірткі тасымалына қарсы күрес салаларындағы жұмыстарға тартуға септігін тигізеді",- деді Г.Леннмаркер.
ЕҚЫҰ Парламенттік ассамблеясы құрамына ұйымға мүше 56 елден үш жүзден астам парламентшілер енеді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.