Елбасы екі күндік мемлекеттік сапармен Оңтүстік Корея Республикасына аттанып кетті
Елбасы екі күндік мемлекеттік сапармен Оңтүстік Корея Республикасына аттанып кетті
Астана. 21 сәуір. Kazakhstan Today - Елбасы Нұрсұлтан Назарбаев екі күндік мемлекеттік сапармен Оңтүстік Корея Республикасына аттанып кетті, деп хабарлайды Kazakhstan Today ресми БАҚ-тарға сілтеме жасап.
Сапар бағдарламасына сәйкес Қазақстан президенті Нұрсұлтан Назарбаев пен Корея Республикасының президенті Ли Мен Бак бүгін Сеул қаласында Қазақстанның Кореядағы жылының ашылу салтанатына қатысады. Содан кейін Қазақстан өнер шеберлерінің концертін тамашалайды.
Ал сәуірдің 22-сі күні мемлекет басшылары шағын және кеңейтілген құрамда келіссөздер жүргізеді. Жоғары деңгейдегі келіссөздердің қорытындысы бойынша Қазақстан мен Корея арасында бірқатар екіжақты құжаттарға қол қойылады деп күтілуде.
Сондай-ақ осы күні Қазақстан президентінің Корей университетінің басшыларымен, сондай-ақ Кореяның бірқатар жетекші компанияларының жетекшілерімен кездесулері жоспарланып отыр.
Елбасымен еріп жүрген ресми делегацияның құрамында мемлекеттік хатшы- сыртқы істер министрі Қанат Саудабаев, премьер-министрдің орынбасары-индустрия және жаңа технологиялар министрі Исет Исекешев, ҚР президентінің халықаралық мәселелер бойынша көмекшісі Қайрат Сарыбай, ҚР президентінің экономикалық мәселелер бойынша көмекшісі Бақыт Сұлтанов, Мәдениет министрі Мұхтар Құл-Мұхаммет, Қарағанды облысының әкімі Серік Ахметов, "Самұрұқ-Қазына" Ұлттық әл-ауқат қоры" АҚ басқарма төрағасының орынбасары Тимур Құлыбаевтар бар.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.