Елбасы мен CNPC басшысы ынтымақтастықтың өзекті бағыттарын анықтады
Кездесуде Қазақстан мен "CNPC" компаниясының түрлі салалардағы өзара ынтымақтастық мәселесі қаралды.
Пекин. 6-маусым. Kazakhstan Today - Бүгін Қазақстан Республикасының Президенті Нұрсұлтан Назарбаев Қытайға ресми сапары аясында "CNPC" компаниясы директорлар кеңесінің төрағасы Цзянь Цземиньмен кездесті, деп хабарлайды Kazakhstan Today агенттігінің тілшісі.
Кездесуде Қазақстан мен "CNPC" компаниясының түрлі салалардағы өзара ынтымақтастық мәселесі қаралды.
Нұрсұлтан Назарбаев пен Цзянь Цземинь қарым-қатыныстарды дамыту қажеттігін атап өтіп, бірлескен жұмыстың одан арғы негізгі бағыттарын анықтады.
"CNPC" (China National Petroleum Corporation) әлемде көшбасшы орында келе жатқан кешенді халықаралық энергетикалық компания болып табылады. "CNPC" компаниясы әлемнің 129 елінде мұнайгаз инвестициялық операциясын жүргізеді.
Қазақстанда "CNPC" компаниясы 1997 жылдан бері жұмыс істейді. Қазіргі уақытта корпорация мұнайгаз инвестициясы және мұнайгаз кен орындарында инженерлік-техникалық қызмет көрсету тәрізді операцияларды жүзеге асырады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.