Елбасы Нұрсұлтан Назарбаев Барак Обаманы Қазақстанға шақырды
Қазақстанның АҚШ-тағы елшісі Қайрат Омаров осы ел президенті Барак Обамаға сенім грамоталарын табыс етті.
Астана. 15-қаңтар. Kazakhstan Today - Елбасы Нұрсұлтан Назарбаев Барак Обаманы Қазақстанға шақырды, деп хабарлайды Kazakhstan Today агенттігінің тілшісі.
Қазақстанның АҚШ-тағы елшісі Қайрат Омаров осы ел президенті Барак Обамаға сенім грамоталарын табыс етті.
Салтанатты рәсім қаңтардың 14-і күні Вашингтонда өткен болатын, деп сейсенбі күні еліміздің СІМ хабарлады.
Баспасөз қызметінің хабарлауынша, салтанатты рәсімнен кейін өткен кездесуде тараптар Қазақстан мен АҚШ арасындағы байланыстардың қарқынды дамып келе жатқанын атап өтті.
Президент Б.Обама екі жақты байланыстарды дамытып, ғаламдық және аймақтық қауіпсіздікті нығайту жолында бірлесе еңбек етуге дайын екенін жеткізді.
"Кездесу соңында Қ.Омаров ұлықтау рәсіміне әзірленіп жатқан АҚШ басшысына президент Н.Назарбаевтың құттықтауы жеткізіп, ебасының оны Қазақстанға шақырып жатқанын атап өтті", - делінген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.