Елеусізов экологиялық партия құрып, 2012 жылы парламент сайлауына қатыспақ
Елеусізов экологиялық партия құрып, 2012 жылы парламент сайлауына қатыспақ, деп хабарлайды Kazakhstan Today агенттігінің тілшісі.
Астана. 4 - сәуір. Kazakhstan Today - Елеусізов экологиялық партия құрып, 2012 жылы парламент сайлауына қатыспақ, деп хабарлайды Kazakhstan Today агенттігінің тілшісі.
BNews.kz ақпараттық агенттігінің хабарлауынша, ҚР президенттігіне үміткер - "Табиғат" экологиялық одағының жетекшiсi парламент сайлауына қатысуға ниетті. Бұл туралы ол Ұлттық баспасөз клубындағы баспасөз мәслихатында хабарлаған.
"Мен парламент сайлауына қатысамын. Экология мәселесiн жоғары деңгейге көтердім. Оны барлығы мойындайды. Маған дейін мұны ешкім айтқан емес", - деді М.Елеусізов.
Сонымен қатар, ол экологиялық партия құруға ниет білдіруде.
"Мен бұдан бұрын бұл шаруамен айналысқан емеспін (партия құрумен - агенттiк түсiнiктемесi), өйткенi халықта қызығушылық және ниет болмады. Дегенмен сайлау кезінде маған дауыс берген сайлаушылар - менің жақтастарым екенін түсіндім. Ал бұл партия құру үшін жеткілікті", - деп толықтырды М.Елеусізов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.