Елімізде Қазақстан мен Чехияның экономикалық, өнеркәсіптік және ғылыми-техникалық ынтымақтастық жөніндегі үкіметаралық комиссиясының отырысы өтеді
"Аталмыш отырыста Қазақстан тарапын Индустрия және жаңа технологиялар вице-министрі Бақытжан Жақсалиев басқарады, ал Чехия жағына Өнеркәсіп және сауда министрінің орынбасары Милан Говорка төрағалық етеді", - деді ресми өкіл.
Астана. 11-маусым. Kazakhstan Today - 11-15 маусым аралығында Алматы және Өскемен қалаларында Қазақстан-Чехия экономикалық, өнеркәсіптік және ғылыми-техникалық ынтымақтастық жөніндегі үкіметаралық комиссиясының 6-шы отырысы өтеді, деп хабарлайды Kazakhstan Today агенттігінің тілшісі.
Бұл туралы бүгін Астанада апталық брифингте ҚР Сыртқы істер министрлігінің ресми өкілі Алтай Ибибуллаев мәлім етті.
"Аталмыш отырыста Қазақстан тарапын Индустрия және жаңа технологиялар вице-министрі Бақытжан Жақсалиев басқарады, ал Чехия жағына Өнеркәсіп және сауда министрінің орынбасары Милан Говорка төрағалық етеді", - деді ресми өкіл.
Жиын барысында тараптар екі жақты сауда-экономикалық ынтымақтастықты дамыту және нығайту бағыттарын талқылайды.
2011 жылы Қазақстан мен Чехия арасындағы тауар айналымы 211,7 млн. АҚШ долларын құрады. 2012 жылдың қаңтар-сәуір айларында тауар айналымы 70,7 млн. АҚШ долларына жетті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.