АСТАНА. 25-қыркүйек. Kazakhstan Today. Қыркүйектің 25-28-де еліміздің өкілдері Еуропадағы қауіпсіздік және ынтымақтастық ұйымының тұрақты кеңесінің Венада өтетін арнаулы жиынына қатысады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
Өкілдерді ҚР Мемлекеттік хатшысы - Демократиялық реформалар бағдарламасын әзірлеу және нақтылау жөніндегі мемлекеттік комиссия төрағасының орынбасары Оралбай Ибдікәрімов бастап барады.
Делегация құрамына ҚР президенті әкімшілігі басшысының орынбасары Мәулен Ишімбаев, Адам құқықтары жөніндегі уәкіл Болат Байқадамов, ЮНЕСКО жанындағы Қазақстанның тұрақты өкілі Олжас Сүлейменов, ҚР парламенті сенатының депутаты Қуаныш Сұлтанов, ҚР парламенті мәжілісінің депутаттары Дариға Назарбаева және Дарья Клебанова енген.
Е. Ашықбаевтың сөзіне қарағанда, сапар барысында қазақстандық делегация ЕҚЫҰ-ның тұрақты кеңесінің арнайы отырысына және ұйымға қатысушы-мемлекеттердің делегациялары үшін ұйымдастырылатын арнайы брифингке қатысады. Сондай-ақ ЕҚЫҰ-ның Бас хатшысы М.П. де Бришамбомен, Сөз бостандығы мәселелері жөніндегі ЕҚЫҰ-ның өкілі М. Харастимен және Адам құқықтары жөніндегі Халықаралық Хельсинки Федерациясының атқарушы директоры А. Родспен кездесулер жоспарланған. Тараптар ЕҚЫҰ шеңберіндегі ынтымақтастық мәселелерін, ұйымды реформалау, қазақстандық қоғамның демократиялық даму және Қазақстанның ЕҚЫҰ-ға төрағалық ету мәселелерін талқылайды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Еліміздің өкілдері Еуропадағы қауіпсіздік және ынтымақтастық ұйымының тұрақты кеңесінің арнаулы жиынына қатысады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.