Эль-Кувейт қаласында Қазақстан - Кувейттің сауда-экономикалық ынтымақтастық жөніндегі үкіметаралық комиссиясының екінші отырысы өтеді
Эль-Кувейт қаласында Қазақстан - Кувейттің сауда-экономикалық ынтымақтастық жөніндегі үкіметаралық комиссиясының екінші отырысы өтеді
Астана. 11 қаңтар. Kazakhstan Today - Эль-Кувейт қаласында 17-19 қаңтарда Қазақстан мен Кувейт арасындағы сауда-экономикалық ынтымақтастық жөніндегі үкіметаралық комиссияның екінші отырысы өтеді. Бұл туралы бүгін ҚР СІМ-нің ресми өкілі Асқар Ибдірахманов Kazakhstan Today тілшісіне берген сұхбатында құлағдар етті.
Аталмыш шараға қатысатын қазақстандық делегацияны Қаржы министрлігінің Жауапты хатшысы, комиссияның тең төрайымы Наталья Коржова басқарады. Келіссөздердің негізгі мазмұны екі мемлекет арасындағы саяси және сауда-экономикалық салалардағы ынтымақтастықты кеңейту жолдарын талқылау болып табылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.