АСТАНА. 4-қазан. Kazakhstan Today. Еурокомиссияның вице-президенті, өнеркәсіп және кәсіпкерлік жөніндегі комиссары Гюнтер Ферхойген Қазақстанның Еуропаның көршілік саясатына бірігу ниетін қолдайды. Бұл туралы ол Еуропалық Одақтың Брюссельдегі құрылымына алғашқы ресми сапармен жүрген ҚР СІМ Қасымжомарт Тоқаевпен кездесуде мәлімдеді, деп хабарлайды Kazakhstan Today тілшісі.
Еурокомиссияның вице-президенті қарқынды дамып келе жатқан Қазақстан Орталық Азиядағы тұрақтылықты сақтаудың маңызды факторы ретінде Еуропалық Одақтың өңірдегі айрықша маңызды әріптесі болып табылады, деп атап өтті.
Сұхбат барысында қазақстандық дипломат сұхбаттасына Қазақстанның индустриялық-инновациялық даму бағдарламасының шешуші тұстарымен, сондай-ақ, еліміздің әлемдегі бәсекеге барынша қабілетті 50 елінің қатарына қосылу жөніндегі стратегиялық мақсатымен таныстырды.
Осыған байланысты Г.Ферхойген Еуропалық Одақ пен Қазақстанның экономикалық даму жоспарларының ұқсастығын атап өтті. Оның негізі - инновациялық саясат пен бәсекелестік қабілетті арттыру, деді ол. Еуропалық Одақ Қазақстанмен арадағы кең көлемді ынтымақтастықты одан әрі дамытудан мүдделі екенін комиссар растады.
Еуропалық Одақта 2004-жылы қабылданған көршілік саясат Еуропалық Одаққа интеграциялануға қатыспайтын көрші елдерге арналған. Ол Еуропалық Одақ пен Беларусь, Украина, Молдавия, Грузия, Армения және Изербайжан секілді 16 елді қамтиды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Еурокомиссияның вице-президенті Астананың Еуропаның көршілік саясатына бірігу ниетін қолдайды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.