Еуроодақ Орта Азияның ішкі істер органдарын техникалық қолдауға 3 млн евро бөледі
Еуроодақ Орта Азияның ішкі істер органдарын техникалық қолдауға 3 млн евро бөледі
Астана. 18-қаңтар. "Қазақстан Бүгін" - Еуроодақ Орта Азияның ішкі істер органдарын техникалық қолдауға 3 млн евро бөледі. Бұл туралы ҚР ішкі істер вице-министрі Алик Шпекбаевпен болған кездесуден кейін халықаралық қылмыстық полиция ұйымы - Интерполдың Бас хатшылығының өкілі Жилда Вуиллефрой де Силли мәлім етті, деп хабарлайды "Қазақстан Бүгін" агенттігінің тілшісі ҚР ІІМ ақпарат және қоғаммен байланыс орталығына сілтеме жасай отырып.
Баспасөз орталығының ақпаратына сүйенсек, Ж. Вуиллефрой "оның келу мақсаты Еуроодақ үш миллион евро бөліп отырған ішкі істер органдарына, оның ішінде, Интерполдың ұлттық бюросына, Қазақстан мен Орта Азияның өзге мемлекеттерінің бірқатар құқық қорғау органдарына жеке-жеке берілетін техникалық көмек көлемін анықтау. Жобаны Қазақстанда 2009 жылы, ал бүкіл аймаққа 30 ай ішінде жүзеге асыру көзделіп отыр.
Кездесу барысында Интерполдың Қазақстандағы ұлттық бюросын толық техникалық жаңарту және мүмкіндігін нығайту, сондай-ақ, Интерполдың ұрланған көлік, ұрланған, жоғалтылған төлқұжаттар мен мәдени құндылықтар, қылмыскерлерді іздестіру, адамның саусақ таңбалары мен ДНК-сы бойынша мәліметтер базасына ІІМ-нің аймақтық ішкі істер департаменттерін және бірқатар қызметтерін қосу жобасын жүзеге асыру мәселелері талқыланды, деп хабарлады бапасөз қызметіндегілер.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.