АЛМАТЫ. 6-сәуір. Kazakhstan Today. Еуропадағы қауіпсіздік және ынтымақтастық жөніндегі ұйымының төрағасы 10-14-сәуір аралығында Орталық Азияда сапармен болады. Бұл туралы Kazakhstan Today тілшісіне Еуропадағы қауіпсіздік және ынтымақтастық жөніндегі ұйымының Алматыдағы орталығынан хабарлады.
Еуропадағы қауіпсіздік және ынтымақтастық жөніндегі ұйымының хабарлауынша, ұйымның қазіргі төрағасы - Испания сыртқы істер министрі Мигель Анхель Моратинос сапар барысында Қазақстан, Қырғызстан, Тәжікстан, Түрікменстан және Өзбекстанның жоғарғы басшылығымен жүздеседі.
"Қатарына 56 елді біріктірген ұйымның жұмысына Орталық Азия елдерін мейлінше атсалыстыруға 2007-жылы ұйымға төрағалық жасайтын Испания айрықша басымдық береді",- деп хабарлайды орталық.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Еуропадағы қауіпсіздік және ынтымақтастық жөніндегі ұйымының төрағасы 10-14-сәуір аралығында Орталық Азияда сапармен болады - ұйымның Алматыдағы орталығы
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.