Франция президенті Николя Саркози 2009 жылдың басында Қазақстанға келеді
Франция президенті Николя Саркози 2009 жылдың басында Қазақстанға келеді
Астана. 8 ақпан. "Қазақстан Бүгін" - Франция президенті Николя Саркози 2009 жылдың басында Қазақстанға келеді. Бұл туралы бүгін Астанада өткен баспасөз мәслихатында Франция үкімет басшысы Франсуа Фийон құлағдар етті, деп хабарлайды агенттік тілшісі.
"Біз Қазақстан президенті Нұрсұлтан Назарбаевтың Францияға, ал Франция президенті Николя Саркозидің 2009 жылдың басындағы Қазақстанға сапары екі ел арасындағы стратегиялық әріптестік жөніндегі келісімге қол қоюға алып келмек", - деді Ф. Фийон Қазақстан үкімет басшысы Кәрім Мәсімовпен келіссөздердің қорытындысы бойынша өткен брифингте.
"Біз Қазақстанның 2010 жылы ЕҚЫҰ-ына төраға болуын қолдаймыз, мен Қазақстан құқықтық мемлекет құруда өңірге үлгі болады деп ойлаймын, осы төрағалықтың келешегін ескере отырып, Франция өзінің Қазақстанмен ынтымақтастығын дамытуға дайын", - деді Франция үкімет басшысы.
Ол сондай-ақ, Франция 2008 жылдың екінші жартысында Еуропалық Одаққа төрағалық жасайтынын еске салды. "Еуроодақ өзінің Орталық Азиядағы, атап айтсақ, Қазақстанмен арадағы диалогын дамытуға ниетті. Біз өзіміздің Еуроодаққа төраға болу мүмкіндігімізді пайдаланып, өткен жылы жолға қойылған жақындасуды одан әрі жалғастыруға тиіспіз. Біз өзіміздің төрағалық кезеңімізде энергетика мен қауіпсіздіктің өңірлік қырларына баса назар аудармақшымыз", - деді Ф. Фийон.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.