Хиллари Клинтон саяси лауазымын аяқтайтындығы туралы мәлімдеді
АҚШ-тың мемлекеттік хатшысы Хиллари Клинтон Барак Обаманың президенттік мерзімі аяқталғаннан кейін өзінің саяси лауазымын аяқтауға ниетті екенін мәлімдеді. Сейсенбі, 11 қазан күні Associated Press агенттігіне берген сұхбатында Клинтон алдағы уақытта билік құрылымдарында жұмыс істеу қызықтырмайтынын, қарапайым тірлігіне қайта оралғысы келетінін айтқан.
Алматы. 12-қазан. Kazakhstan Today - Хиллари Клинтон саяси лауазымын аяқтайтындығы туралы мәлімдеді, деп хабарлайды Kazakhstan Today агенттігінің тілшісі.
BNews.kz ақпараттық агенттігінің хабарлауынша, АҚШ-тың мемлекеттік хатшысы Хиллари Клинтон Барак Обаманың президенттік мерзімі аяқталғаннан кейін өзінің саяси лауазымын аяқтауға ниетті екенін мәлімдеді. Сейсенбі, 11 қазан күні Associated Press агенттігіне берген сұхбатында Клинтон алдағы уақытта билік құрылымдарында жұмыс істеу қызықтырмайтынын, қарапайым тірлігіне қайта оралғысы келетінін айтқан.
Обаманың болашақ лауазымы туралы айтқанда Клинтон оның 2012 жылы президенттік сайлауда жеңіске жететіндігіне сенімді екендігін жеткізді, деп жазады, Лента.ру.
Хиллари Клинтон 2011 жылы, яғни биыл 64 жасқа толады, 2009 жылдан бері АҚШ-тың Мемлекеттік хатшысы. Бұған дейін Нью-Йорк штатынан АҚШ Сенатының мүшесі болған. Сондай ақ, 2008 жылы Демократиялық партия атынан президенттік додаға ға да қатысып көрді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.